NEWYDD I 2026!
Drama gerddorol yw ‘Natur’ sy’n archwilio ein cysylltiad gyda’r byd naturiol o’n cwmpas. Sut mae ein ffordd o fyw yn cael effaith ar y blaned a bywyd gwyllt? Beth all pob un ohonom ni wneud er mwyn atal llygredd a chynhesu byd eang?
Crëwyd y cynhyrchiad gan y cerddor a’r cyfansoddwr Morgan Elwy gyda chefnogaeth Cwmni Theatr Arad Goch. Mae’r perfformiad yn mynd a chi ar daith bythgofiadwy i brofi rhyfeddodau ac argyfyngau y byd ni’n rhan ohoni, ond ydyn ni’n gallu achub y blaned cyn bod hi’n rhy hwyr?
